Aðsend grein – Að lokinni þjóðaratkvæðagreiðslu
Aðsend grein frá Sigríði Ingibjörgu Ingadóttur, þingkonu Samfylkingarinnar
Þjóðin hefur talað. Niðurstaðan kemur ekki á óvart, enda ljóst um nokkurt skeið að nýr Icesave samningur væri í spilunum. Kosningaþátttakan var þokkaleg og raunar með ágætum miðað við að raunverulegir valkostir voru ekki til staðar. Þetta sannar enn eina ferðina sterkar skoðarnir þjóðarinnar á Icesave og ekki síður áhuga kjósenda á þjóðaratkvæðagreiðslum.
Við þessi tímamót vil ég rifja upp af hverju ég greiddi atkvæði með samningnum á sínum tíma. Mín skoðun var sú að Icesave samningurinn væri nauðarsamningur. Ekkert erlent ríki hefur stutt sjónarmið Íslands í Icesave nema Færeyjar og erlend aðstoð við uppbyggingu efnahagslífsins eftir hrunið hefur strandað á lausn þessa máls. Við þær aðstæður taldi ég ábyrgðarhluta að draga málið lengur.
Staða málsins er ennþá þessi, því miður. Þjóðaratkvæðagreiðslan hefur dregið Breta og Hollendinga aftur að samningaborðinu og nú ljá þeir máls á tilslökunum sem komu ekki til greina fyrir nokkrum mánðum. Þetta gefur vonir um að hægt sé að ná betri samningum en áður. Ég tel því nauðsynlegt að ljúka málinu hratt og örugglega svo hægt sé að snúa sér af krafti að uppbyggingu atvinnulífs í landinu.
Hér eru ekki allir sammála og einhverjir telja að Icesave geti beðið mánuðum saman, jafnvel fram á næsta ár. Þeir sem eru á þessari skoðun eru oftast nær einnig andsnúnir samstarfinu við Alþjóðagjaldeyrissjóðinn og Norðurlöndin. Þetta var staðfest í vikunni sem leið þegar Hreyfingin og Framsóknarflokkurinn lögðu fram tillögu á Alþingi um að hætta þessu samstarfi og semja nýja efnahagsáætlun á öðrum grundvelli. Ríkissjórnin hefur verið á annari skoðun, þó að það sé ljóst að helstu andstæðingar Icesave innan VG hafi einnig verið andsnúnir samstarfi við Alþjóðagjaldeyrissjóðinn. Líkurnar á þverpólitískri samstöðu um Icesave eru því ekki miklar þó að samráð um meðferð málsins sé áfram mikilvægt. Það er einnig ljóst að erfitt er fyrir þingmenn ríkisstjórnarflokkanna að bera ábyrgð á efnahagsmálum þjóðarinnar ef lausn Icesave dregst lengi enn. Það þýðir dýpri kreppu, aukið atvinnuleysi og erfiðari ríkisfjármál. Mig fýsir ekki að bera ábyrgð á slíkri þróun.
Þjóðaratkvæðagreiðslan hefur vissulega styrkt samningsstöðu landsins. Þá samningsstöðu ber að nýta hratt og örugglega til að ná nýjum samningum og klára Icesave.
Sigríður Ingibjörg Ingadóttir, þingkona Samfylkingarinnar
Sæl Sigríður Ingibjörg
það verður seint bæði haldið og sleppt. Þetta á við um þingmenn umfram aðra einstaklinga því á borði þeirra eru bara tveir takkar. Já takki og nei takki. Jú og svo getað þingmenn auðvitað bara hreiðað um sig undir rúmi heima hjá sér þegar þeir þora ekki að taka afstöðu til mála líkt og margir sjálfstæðismenn hafa gripið til í Icesave deilunni.
En þú segir: Ekkert erlent ríki hefur stutt sjónarmið Íslands í Icesave nema Færeyjar og erlend aðstoð við uppbyggingu efnahagslífsins eftir hrunið hefur strandað á lausn þessa máls.
Þetta er sjónarmið þeirra sem trúa því að heimurinn sé mjög lítill. Halda að heimurinn sé safn þeirra ríkja og stofnana sem eru á mála hjá þessum 5% sem eiga helming auðlinda jarðar. Vissulega er þetta sterkur óvinur en ég tel þá þó auma sem ekki eru tilbúnir til þess að verja börnin okkar fyrir þessari græðgismaskínu.
Ég átti nýlega í samskiptum við norskan þingmann sem hélt því fram að ríkisstjórn samfylkingar og VG stæðu í vegi fyrir því að Norðmenn veittu Íslendingum lán nema í gegnum AGS.
Miðað við málflutning ráðherranna, miðað við þá ömurlegu staðreynd að í stað þess að takast á við vandamál þjóðarinnar hefur samfylkingin keyrt með áróðri gegn velferð þjóðarinnar og miðað við eindæma vanrækslu á vanda heimilanna trúi ég orðum þingmannsins.
Svo virðist sem aumt lið fólks sem dreymir um eigin frama innan ESB báknsins hafi töglin og haldirnar í samfylkingunni. TIl þess að ná þessu marki er ótrúlegum heimskuáróðri beitt og fólki gerð upp útlendingahræðsla sem er eiginlega hugtak sem ég skil ekki.
Eru þessir sem eru hræddir þá hræddir við alla útlendinga? Taka þeir til fótanna þegar þeir sjá túrista? Hvernig líður þeim þegar þeir eru í útlöndum? Eru þeir þá hræddir við sjálfa sig af því þeir eru þá vitaskuld útlendingar þangað til þeir snúa aftur til fósturjarðarinnar?
Það hefur verið hálfaumt að horfa upp á málflutning samfylkingarinnar undanfarið ár. Ég vona að samfylkingin láti nú af heimskuhjal á borð við útlendingahræðslu og þröngsýni sem einangrar lausnir við velþóknum AGS, Breta, Hollendinga og einnig Svía vegna bankahagsmuna þeirra í Austurevrópu og fari að haga sér eins og viti borið fólk (samfylkingin er með litlu essi frá 8. okt. 2008).
People deserve very good life time and home loans or just college loan would make it much better. Because freedom depends on money state.