Þér er boðið í stjörnuskoðun

08. 03. 2014

Albert Einstein eftir Garðar Pétursson

Albert Einstein eftir Garðar Pétursson

Garðar Pétursson, grafískur hönnuður FÍT, opnar myndlistarsýninguna „Stjörnuskoðun – Minningar málaðar með lofti og litum“ í Gallerí Fold laugardaginn 8. mars . Garðar starfar sem grafískur hönnuður og hefur unnið að listsköpun með frá útskrift sinni úr Myndlista- og handíðaskóla Íslands. Myndefnið er fallnar stjörnur og stórmenni sem höfðu áhrif á umhverfi sitt og okkur sem fengum að njóta þeirra. Með þessu heiðrar hann minningu þeirra. Myndirnar eru unnar með airbrush-tækni á striga. Garðar er margverðlaunaður fyrir hönnun sína og hefur hannað fjölda merkja sem eru Íslendingum að góðu kunn. Má þar nefna merki heimsmeistaramótsins í handbolta 1995, merki Flugfélags Íslands svo eitthvað sé nefnt.

Garðar Pétursson fæddist 12. ágúst 1958 í Litlu-Breiðuvík við Reyðarfjörð en fluttist fljótlega með foreldrum sínum til Hafnarfjarðar. Hann brautskráðist sem stúdent úr máladeild Flensborgarskóla og síðan úr auglýsingadeild Myndlista- og handíðaskóla Íslands árið 1982 þar sem áhuginn vaknaði meðal annars á meðferð vatnslita. Frá námslokum hefur Garðar starfað sem grafískur hönnuður og er nú hjá Janúar markaðshúsi.

Sýningar:

  • Gallerí Airport 1979. Einkasýning. Blönduð tækni.
  • Samsýning ungra myndlistarmanna á Kjarvalsstöðum 1983. Olíulitir.
  • Samsýning Hafnfirskra listamanna í Flensborgarskóla 1983. Akrýl.
  • Verslun Kristjáns Siggeirssonar 1984. Einkasýning. Akrýl.
  • Gallerí Fold 2000. Einkasýning. Vatnslitir.
  • Djúpavík á Ströndum 2001. Einkasýning. Vatnslitir.
  • Faktorshúsið í Hæstakaupstað á Ísafirði 2002. Einkasýning. Vatnslitir.
  • Bryggjuhátíð í Kópavogi 2006. Vatnslitir.
  • Oddfellowheimilið að Staðarbergi í Hafnarfirði 2006-2007. Vatnslitir.
  • Oddfellowheimilið að Staðarbergi í Hafnarfirði 2013. Airbrush.

Höfundur: Listapósturinn

Athugasemdir

comments